06/10/2009
هنقول كلام
كلام بجد ومش خايفين من اى حد , هنقول هناك وقفين طابور ,طابور طويل مليان بشر علشان ياخد كل واحد حتى
رغيف , ناس غلابة بجد محتاجين وناس تانية فى بيوتها مرتاحين ,مش حاسة حتى بالغلبانين .
زمن عجيب , زمن غريب , ناس مرتاحة , وناس تعبانة مش لقية رغيف .
ناس محتاجة علشان عاوزة بجد الحاجة , وناس طماعة عاوزة تاخد كل حاجة . ناس غريبة ما ينفعش نقول عليهم بشر .
يا ناس يالى فوق بصوا شوية على ناس اللى تحت دى ناس غلابة غلابة اوى .
يجرى اية لو تنام بيوت كتير مرتاحة يا دوب يومين , يجرى اية لو نقول بلاش طابور طويل بالشكل دا. نسمع كتير كتير
اوى عن امراض اشكال والوان , سبب اساسى منها الازدحام . عمل وزيرنا يادوب حاجة آجل مدارس خفف فصول , نسى ان فى اماكن بالبشر ما تنتهيش .
رفعت ايدى للسما , عشان اكلم ربنا , اشكى حالى وحال بلادى , ومين غيره عارف همنا .
7 Comments:
Subscribe to:
تعليقات الرسالة (Atom)
إن الله لا يغير ما بقوم حتى يغيروا ما بأنفسهم
تحياتي ليكي
منورة يا توتة عالم المدونين الطهقانين
بما انك بتدوري على شغل وبتقفي في الطابور زي حالاتي
ممكن تبقي تدوري ليكي وليا سوا
بصراحة مكسل ادور اليومين دول
تحياتي
مدونة لذيذة
تحياتي
ميمي
واقول لو بتدورى على شغل
دوريلنا معاكى
انا عن نفسى بقيت خبرة فى محاولات الوصول للشغل
كل سنة وانتى طيبة ومبروك المدونة :)
تحياتى
شاب فقرى
وشكلنا كلنا هنقعد فى البيت
اهلا بيك فى فشكول انت نورتينى وشرفتينى بزيارتك وارجو ان لا تنقطع الزيارات
احنا يا تونه بيسمونا الشعب المطوبر من كتر ما بنقف فى الطابور بقينا مطوبرين بس احنا كومين .. كوم الناس المرتاحه ودول حوالى 200 واحد والباقى كله مطحون .
خدى بالك هما بيعملوا اليومين دول خناقه بين ميييييين ؟
خناقه بين الراجل والمرأه وعاملين المجلس القومى للمرأه وكمان يومين يعملوا المدلس القومى للراجل عشان يخلوا الطبقات فى مصر الرجل والمرأه عشان يعملوا خناقه كبيره ويشبعوا فيها لطم والناس تنشغل بيها وما تاخدش بالها من البلاوى التانيه اللى بتتعمل
تحياتى يا توته
ولا حياة مع اليأس
أول مرة أعرف ان عندك
موهبة الكتابة يا توتة
ولا الحاجة أم الاختراع زى ما بيقولوا
بكره تحلى وادينا بنحلم
تحياتى