06/12/2009
-عايز ايــــة من حــــوا يا ادم
-حوا احتارت خلاص مع ادم
-حــــاول تفـــهم حــــوا شوية
-انا انســانة ضعــيفة شـــوية
- لكن بيـــــك بحـــس بقــــوة
-ولا خلاص مش عاوز تفهم
- يبقا هترجـــع زى زمـــــان
- هترجع اولى حضانة كمان
- مش تضـــايق ولا تتنرفــز
- انا برضه هرجـــع ويـــاك
- بس اكيــد هبقـــا الاستــــاذة
- يلاه يا ادم معــــاد الحصــة
- علشان تفهم اصول اللعبــة
- افتح قلبك يـــلاه بسرعـــة
- علشان حـــوا تقعــــد فيـــة
-ولا خلاص مش عاوز حوا
- زى ما قال غيــــرك كتيــر
- راجـــع نفســـك مـــن جديد
- وقول انك بحوا انسان جديد
-حوا احتارت خلاص مع ادم
-حــــاول تفـــهم حــــوا شوية
-انا انســانة ضعــيفة شـــوية
- لكن بيـــــك بحـــس بقــــوة
-ولا خلاص مش عاوز تفهم
- يبقا هترجـــع زى زمـــــان
- هترجع اولى حضانة كمان
- مش تضـــايق ولا تتنرفــز
- انا برضه هرجـــع ويـــاك
- بس اكيــد هبقـــا الاستــــاذة
- يلاه يا ادم معــــاد الحصــة
- علشان تفهم اصول اللعبــة
- افتح قلبك يـــلاه بسرعـــة
- علشان حـــوا تقعــــد فيـــة
-ولا خلاص مش عاوز حوا
- زى ما قال غيــــرك كتيــر
- راجـــع نفســـك مـــن جديد
- وقول انك بحوا انسان جديد
11/11/2009
(زواج عرفى )
زواج عرفى يعنى زواج فرخة وديك شهر والتانى يهرب ادم ويقول يفكيك
تبكى حواء فينك يا ادم فينك يا خاين يلى ابوك مش مربيك
كنت تقولى كلام معسول وتوعدنى بعربية وشقة كمان تمليك .
وانا من عبطى صدقتك وماكنتش اعرف انك استاذ الصعاليك .
اعمل معروف صلح غلطك الله يهديك .
يرد ادم : انتى اية فاكرة نفسك عبلة ..... انا ارتبط بوحدة زيك هبلة اما صحيح مجنونة
رسمى اوعى لسانك ينطق اسمى ....انا مش فاضى للتماحيك ان كان على الورقة بليها
انشريها على الشبابيك لافيها كلام ماذون ولا فيها نص قانون يجبرنى اكون ليكى شريك
تصرخ حوا: والماضى يا ادم ......يرد ادم : الماضى دا كان تسالى زيك زى اللب زى الفول زى الترمس فى القرطاس
مش اكتر من كدا يا عديمة الاحساس فرطتى فى شرفك بورقة من الكراس
مقدرش اعيش معاكى لو قدتيلى صوابعك شمع وعملتيلى الخد مداس
تصرخ حواء : برضه احس انك ناقص ربايه ومالكش اساسا .
07/11/2009
(احساس غريب )
احساس غريب بحسه انا اوقات كتير بحس بحيرة واوقات كتير بتعب انا .
اخدت منى الحياة كتير ولكنى لم اجد للحياة طعما .بحس انى اسيرة وان لسانى اخرس
مع انى عاوزة اصرخ .
انتظرت طويلا لكى احقق احلامى ولا زلت آملة ان احقق ذاتى .
فهناك اشخاص تتمنى ان احقق ذاتى واننى مدينة لهم بالكثير .
ومن اجلهم مستعدة لفعل اى شئ كان .
اعترف اننى امتلك عيوبا ومن منا لا يوجد عنده عيوب .
ولكن بداخل كل انسان طفلا صغير وقلبلا جميل .
اود ان اذهب الى عالم جديد ولكنى انتظر صاحب هذا العالم لكى ياخذنى.
انتظره فى احلامى وفى واقعى واخاف ان ياتى يوما ولم ياتى .
لقد اشتاق له قلبى كثيرا ويتمنى ان ياتى .
اود ان يحقق لى اميرى كل ما اتمناه ولكن يراودنى شعور غريب لعله خوفا من المستقبل .
ليتنى اعرف مستقبلى والى اين سوف ياخذنى لكى يرتاح بالى كثيرا .
ولكن هذة هى الدنيا نعيش فيها ولكن لا نعرف الى اين تاخذنا .
هل سوف تاخذنا معها ونعيش سعداء الى ان ياتى يوم اللقاء والحساب ؟
ام
سوف تاخذنا ضد تيار قوى ربما يرمى بنا الى عالم العذاب والوحدة ؟
ولكن فى النهاية سوف نلتقى جميعا سواء كنا سعداء ام تعساء .....
11/10/2009
هبدأ كلامى ومش خايفة هقول فى ناس بنا قاعدة عاوزة تاكل لحم ناس , من صغرى وانا بحلم اكون انسانة مهمة ومشهورة , بس كبرت لقتنى فى عالم عاوز ياكل لحم الغير كنت ضعيفة فى مادة شوية , قولت اروح لمدرسها يمكن افهم فيها شوية , قالى من غير درس خصوصى انا معرفكيش , رحت بعيد فى ركن هادئ , افكر فى حالى وحال ابويا , وقولت بصوت عالى درس خصوصى انا
مش هاخد , سمع ابويا بس قرارى قالى هتاخدى علشان تبقى انسانة مهمة ومشهورة .
رحت الدرس وانا مش ضايقة ابص حتى فى عين استاذى , بس استغربت لحاجة غريبة شرح الدرس غير شرح الحصة .
هنا فى الدرس ضمير موجود , لكن فى الحصة مش موجود .
يعنى ضمير استاذى بقا بفلوس , حاجة اتعلمتها من استاذى من غير ما يقولها , ان ضمير الانسان بقا بفلوس .
يبقا ازاى انا راح اكون انسانة مهمة ومشهورة !
نسيت شوية وكبرت حبة لقيت استاذ ضميره موجود , عاوز بس يساعد غيره , فرحت جدا , ولقيت فى ناس ضميرها مش بفلوس.
ورجعت تانى مع نفسى افكر علشان اعرف ليه فى ناس ضميرها بقا بفلوس , قولت يمكن عايزين فلوس .
طيب ما انت بتاخد من ناس فلوس والناس دى برضه عاوزة فلوس .
06/10/2009
هنقول كلام
كلام بجد ومش خايفين من اى حد , هنقول هناك وقفين طابور ,طابور طويل مليان بشر علشان ياخد كل واحد حتى
رغيف , ناس غلابة بجد محتاجين وناس تانية فى بيوتها مرتاحين ,مش حاسة حتى بالغلبانين .
زمن عجيب , زمن غريب , ناس مرتاحة , وناس تعبانة مش لقية رغيف .
ناس محتاجة علشان عاوزة بجد الحاجة , وناس طماعة عاوزة تاخد كل حاجة . ناس غريبة ما ينفعش نقول عليهم بشر .
يا ناس يالى فوق بصوا شوية على ناس اللى تحت دى ناس غلابة غلابة اوى .
يجرى اية لو تنام بيوت كتير مرتاحة يا دوب يومين , يجرى اية لو نقول بلاش طابور طويل بالشكل دا. نسمع كتير كتير
اوى عن امراض اشكال والوان , سبب اساسى منها الازدحام . عمل وزيرنا يادوب حاجة آجل مدارس خفف فصول , نسى ان فى اماكن بالبشر ما تنتهيش .
رفعت ايدى للسما , عشان اكلم ربنا , اشكى حالى وحال بلادى , ومين غيره عارف همنا .
زمنا ده زمن الوسطة , شباب كتير متخرجين بس شغل مش لقين واللى يغيظك اكتر ان غيرهم لقين ومتوظفين .
يعنى يا ناس عشان مافيش وسطة نفضل فى بيوتنا كدا قاعدين , طيب ده اسمه كلام برضه يا ناس.
فينك يا وزيرنا متصحى معانا شوية ولا وزير وخلاص .
انا وحدة من الناس اللى مش لقين وظيفة والسلام , انا ما طلبتش ابقا وزيرة , انا طالبه اتعين بشهادى , ولا دى شهادة وخلاص .
يصعب عليا حالى وحال شبابنا لم نلاقى غيرى بالوسطة متعينين , بعد كل ده تعليم والواحد لسه بيتعلم , واهو دبلومة كمان بيخلص .
والف ادور على امل قدامى , اشوف طريق طويل من غير وسطة معديش .
حاجة كمان يا جماعة تزعل لما الاقى وظيفة قدامى من غير وسطة , اجرى عليها قوام واقدم القى غيرى بسرعة اخدها , واسئل يقولولى
باباه فى المهنة , وهو اوله من غيره اكيد.
والف تانى اسئل ودور لحد ما تعب وقول مليت , وقول خلاص هقعد فى بتنا , ارجع اقول هلف تانى لان عندى رب اسمه الكريم .
;;
Subscribe to:
الرسائل (Atom)
