11/11/2009
(زواج عرفى )
زواج عرفى يعنى زواج فرخة وديك شهر والتانى يهرب ادم ويقول يفكيك
تبكى حواء فينك يا ادم فينك يا خاين يلى ابوك مش مربيك
كنت تقولى كلام معسول وتوعدنى بعربية وشقة كمان تمليك .
وانا من عبطى صدقتك وماكنتش اعرف انك استاذ الصعاليك .
اعمل معروف صلح غلطك الله يهديك .
يرد ادم : انتى اية فاكرة نفسك عبلة ..... انا ارتبط بوحدة زيك هبلة اما صحيح مجنونة
رسمى اوعى لسانك ينطق اسمى ....انا مش فاضى للتماحيك ان كان على الورقة بليها
انشريها على الشبابيك لافيها كلام ماذون ولا فيها نص قانون يجبرنى اكون ليكى شريك
تصرخ حوا: والماضى يا ادم ......يرد ادم : الماضى دا كان تسالى زيك زى اللب زى الفول زى الترمس فى القرطاس
مش اكتر من كدا يا عديمة الاحساس فرطتى فى شرفك بورقة من الكراس
مقدرش اعيش معاكى لو قدتيلى صوابعك شمع وعملتيلى الخد مداس
تصرخ حواء : برضه احس انك ناقص ربايه ومالكش اساسا .
5 Comments:
Subscribe to:
تعليقات الرسالة (Atom)
أولا أخلاقها سيئة لأنها سمحت لنفسها تتجوز زي الحرامية
ثانيا عبيطة لأن اللي اخدها بسهولة كده هيسيبها بسهولة أكبر
ربنا يستر على بنات المسلمين
الف شكر ياقمر على الدعوة واتمنى اشوف المزيد من روعة قلمك ومواضيعك الهادفة
لكى منى اجمل تحية
عن دينها لانها اسال الله ان يهدى بنات المسلمين واحنا الصراحة بقينا فى زمن مايعلم بيه الا ربنا استغفر الله العظيم
ماعلينا بجد ياقمر مدونتك روووووعة
تسلم ايدك ويسلم قلمك المميز اتمنى اشوف جديدك فى اقرب وقت لكى منى اجمل تحية
فى رعاية الله وحفظه